അൽഫോൻസാമ്മ തീർത്ഥാടന പള്ളിക്ക് മുന്നിൽ കാർ അഭ്യാസപ്രകടനം നടത്തിയതിന് നടപടി ആവശ്യപ്പെട്ട് നാട്ടുകാർ

ഭരണങ്ങാനം അൽഫോൻസാമ്മ തീർത്ഥാടന പള്ളിക്ക് മുന്നിൽ കാർ അഭ്യാസപ്രകടനം നടത്തിയതിനെ തുടർന്ന് നടപടി ആവശ്യപ്പെട്ട് നാട്ടുകാർ രംഗത്തെത്തി. അമിതവേഗത്തിൽ വട്ടം കറക്കിയതോടെ പ്രദേശമാകെ പൊടിപടലം ഉയർന്ന് മലിനമായതായും വിശ്വാസികൾക്ക് ബുദ്ധിമുട്ടുണ്ടായതായും നാട്ടുകാർ പറഞ്ഞു. സംഭവത്തിൽ മോട്ടോർ വാഹന വകുപ്പും പോലീസും അന്വേഷണം നടത്തി നിയമനടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.