ചങ്ങനാശ്ശേരി ടൗണിലും പോലീസ് സ്റ്റേഷനിലും സംഘം അറസ്റ്റിലായി

ചങ്ങനാശ്ശേരി ടൗണിലും പോലീസ് സ്റ്റേഷനിലും ഭീകരാന്തരീക്ഷം സൃഷ്ടിച്ച അഭിഭാഷക അടക്കമുള്ള സംഘത്തെ പോലീസ് അറസ്റ്റ് ചെയ്തു. നിരവധി ക്രിമിനൽ കേസുകളിൽ പ്രതികളായ സാജു ജോജോ, മിഥുൻ തോമസ്, അഭിഭാഭാഷകൻ ജുബിൻ എന്നിവരാണ് പിടിയിലായത്. ചങ്ങനാശ്ശേരിയിലെ ബ്രിസ് ലാൻഡ് ബാറിൽ അക്രമം കാണിച്ച സംഘം, പിന്നീട് ഒരു മൊബൈൽ ഷോപ്പിലെത്തി ജീവനക്കാരെ അസഭ്യം പറയുകയും മാരകായുധങ്ങൾ കാട്ടി ഉപദ്രവിക്കുകയും ഫോണുകൾ അടക്കം തകർക്കുകയും ചെയ്തു. ഇവരെ പിടികൂടാൻ ശ്രമിക്കുന്നതിനിടെ എസ്.ഐ. അജിത് കുമാറിനെയടക്കം പ്രതികൾ സംഘടിതമായി ആക്രമിച്ചു. സ്റ്റേഷനിൽ എത്തിട്ടും അക്രമം തുടർന്ന് സ്റ്റേഷനിലെ ഉപകരണങ്ങൾ അടിച്ചുതകർക്കുകയും എസ്.ഐ. റെയ്‌നോൾഡ്, സി.പി.ഒ. ദിലീപ് ചെല്ലം എന്നിവരെ ആക്രമിക്കുകയും ചെയ്തു.