ചങ്ങനാശ്ശേരിയിൽ 17കാരിയെ പീഡിപ്പിച്ച കേസ്; പ്രതിക്ക് 31 വർഷം കഠിനതടവ്

ചങ്ങനാശ്ശേരിയിൽ പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിക്കുകയും നഗ്നദൃശ്യങ്ങൾ പ്രചരിപ്പിക്കുകയും ചെയ്ത കേസിൽ ഇത്തിത്താനം കാഞ്ഞിരത്തുംമൂട്ടിൽ പി.കെ. ഷാബിനെ 31 വർഷം കഠിനതടവും 82,000 രൂപ പിഴയും ശിക്ഷിച്ചു. ചിങ്ങവനം സ്റ്റേഷനിൽ രജിസ്റ്റർ ചെയ്ത കേസിലാണ് ചങ്ങനാശ്ശേരി അതിവേഗ കോടതി ജഡ്ജി രഞ്ജിത്ത് കൃഷ്ണണൻ ശിക്ഷ വിധിച്ചത്. പിഴത്തുക അടയ്ക്കാത്ത പക്ഷം ഒരു വർഷവും മൂന്നു മാസവും അധിക തടവ് അനുഭവിക്കണം എന്നും, പിഴത്തുകയിൽ നിന്ന് 41,000 രൂപ അതിജീവിതക്ക് നൽകാനും കോടതി ഉത്തരവിട്ടു.