എം ജെ സെബാസ്ററ്യന്റെ നിയമസഭാ പരിചയം നാല് മാസം മാത്രം; പക്ഷെ 40 വർഷം എം എൽ എ ആയിരുന്നവരെ പോലെ മുന്നേറുന്നു: രമേശ് ചെന്നിത്തല

ഈരാറ്റുപേട്ടയിൽ കെ.എസ് ആർ.ടി.സി ഡിപ്പോയ്ക്ക് സമീപം ആരംഭിച്ച എം.എൽ.എ ഓഫീസ് ഉദ്ഘാടന ചടങ്ങിൽ, എം.ജെ. സെബാസ്ററ്യന് എം.എൽ.എ ആയി വെറും നാല് മാസം മാത്രം പരിചയമെങ്കിലും, 40 വർഷം എം.എൽ.എ ആയിരുന്നവരെ പോലെ മുന്നേറുന്നുവെന്ന് ആഭ്യന്തര മന്ത്രി രമേശ് ചെന്നിത്തല അഭിപ്രായപ്പെട്ടു. ട്രാഫിക് അപകടങ്ങളെക്കുറിച്ച് സംസാരിച്ച അദ്ദേഹം, കേരളം ഏറ്റവും കൂടുതൽ ട്രാഫിക് അപകടങ്ങൾ ഉണ്ടാകുന്ന സംസ്ഥാനമായി മാറുന്നുവെന്നും ചൂണ്ടിക്കാട്ടി. ചടങ്ങിൽ എം.ജെ സെബാസ്റ്റ്യൻ എം.എൽ.എ അദ്ധ്യക്ഷത വഹിച്ചു. നഗരസഭ ചെയർ പേഴ്സൺ. അഡ്വ വി.പി. നാസർ, അസീസ് ബഡായിൽ, അഡ്വ വി എം.മുഹമ്മദ് ഇല്ല്യാസ്, അഡ്വ. സതിഷ് കുമാർ, അഡ്വ. ജോമോൻ ഐക്കര, തോമസ് കല്ലാടൻ, ഫിലിപ്പ് ജോസഫ്, ജോർജ് ജേക്കബ്, മജു പുളിക്കൻ, പ്രേജി.ആർ. ബിന്ദു സബാസ്റ്റ്യൻ, ശ്രീകല ടീച്ചർ, പി.എച്ച് നൗഷാദ്, കെ.ഇ.എ.ഖാദർ, അനസ് നാസർ, കെ.എ മുഹമ്മദ് ഹാഷിം എന്നിവർ സംസാരിച്ചു.