വനാന്തരങ്ങളിൽ വ്യാജമദ്യ നിർമ്മാണ കേന്ദ്രം കണ്ടെത്തി, 3000 ലിറ്റർ കോട പിടിച്ചെടുത്തു എക്സൈസ്

ശബരിമല മണ്ഡല-മകരവിളക്ക് തീർഥാടനകാലം ലക്ഷ്യമിട്ട് വനാന്തരങ്ങളിൽ പ്രവർത്തിക്കുന്ന വാറ്റുകേന്ദ്രങ്ങൾക്കെതിരെ എക്സൈസ് നടപടി ശക്തമാക്കി. പമ്പാവാലിയയിലെ വനാന്തരങ്ങളില നടത്തിയ തിരച്ചിലിൽ വ്യാജചാരായ നിർമ്മാണ കേന്ദ്രം കണ്ടെത്തി നശിപ്പിച്ചു. പരിശോധനയിൽ 3000 ലിറ്റർ കോട എക്സൈസ് പിടിച്ചെടുത്തു. ഇതിൽ നിന്ന് ആയിരത്തിലധികം ലിറ്റർ ചാരായം വാറ്റിയെടുക്കാൻ കഴിയുമെന്ന് കണക്കാക്കുന്നു. കൂടാതെ വാറ്റുപകരണങ്ങളും വനത്തിനുള്ളിൽ കോട സൂക്ഷിച്ചുവെച്ച വലിയ ഡ്രമ്മുകളും മറ്റു പാത്രങ്ങളും എക്സൈസ് സംഘം പിടികൂടി നശിപ്പിച്ചു.