ശബരിമല തീർത്ഥാടകർക്കായി എരുമേലിയിൽ അടിസ്ഥാന സൗകര്യങ്ങൾ ഉറപ്പാക്കണമെന്ന് ഹൈക്കോടതി

ശബരിമല തീർത്ഥാടകർക്കായി എരുമേലി ഇടത്താവളത്തിൽ അടിസ്ഥാന സൗകര്യങ്ങൾ ഉറപ്പാക്കാൻ ഹൈക്കോടതി നിർദ്ദേശങ്ങൾ പുറപ്പെടുവിച്ചു. മണ്ഡല-മകരവിളക്ക് സീസണിലും മാസപൂജാവേളയിലും പരാതികൾ പരിഹരിക്കാനും ഏകോപനത്തിനുമായി ഡെപ്യൂട്ടികളക്ടറെ എക്‌സിക്യൂട്ടീവ് മജിസ്‌ട്രേട്ടായി അടിയന്തരമായി നിയമിക്കാനും നിർദ്ദേശമുണ്ട്. അയ്യപ്പസേവാ സമാജം ഭാരവാഹികളായ മനോജ്.എസ്.നായർ, അരുൺ സതീഷ് എന്നിവരുടെ ഹർജി തീർപ്പാക്കിയാണ് ജസ്റ്റിസ് വി.രാജവിജയരാഘവൻ, ജസ്റ്റിസ് കെ.വി.ജയകുമാർ എന്നിവരുൾപ്പെട്ട ദേവസ്വം ബെഞ്ചിന്റെ ഉത്തരവ്.