ശബരിമല മണ്ഡല -മകരവിളക്ക് സീസണിൽ ഏറ്റുമാനൂർ ഇടത്താവളത്തിൽ ഏർപ്പെടുത്തേണ്ട ക്രമീകരണങ്ങളെക്കുറിച്ച് യോഗം ചേർന്നു

ശബരിമല മണ്ഡല -മകരവിളക്ക് സീസണിൽ ഏറ്റുമാനൂർ ഇടത്താവളത്തിൽ ഏർപ്പെടുത്തേണ്ട ക്രമീകരണങ്ങളെക്കുറിച്ച് നാട്ടകം സുരേഷ് എംഎൽഎയുടെ അധ്യക്ഷതയിൽ യോഗം ചേർന്നു. തയ്യാറെടുപ്പുകൾ സമയബന്ധിതമായി പൂർത്തിയാക്കാൻ വിവിധ വകുപ്പുകൾ നടപടി സ്വീകരിക്കണമെന്ന് എംഎൽഎ നിർദേശിച്ചു. പോലീസ്, എക്സൈസ്, റവന്യൂ വകുപ്പുകളുടെ കൺട്രോൾ റൂമുകൾ ഏറ്റുമാനൂർ ഇടത്താവളത്തിൽ പ്രവർത്തിക്കും. തീർത്ഥാടകർക്ക് വാഹന പാർക്കിംഗും വഴിവിളക്കുകളും സുഗമമായി ക്രമീകരിക്കുന്നതിനും ആവശ്യമായ ശൗചാലയങ്ങൾ സജ്ജീകരിക്കാനും യോഗം തീരുമാനിച്ചു.