കരിങ്കൊടി കാണിച്ച യുവമോര്‍ച്ച പ്രവർത്തകർ മന്ത്രി മോൺസ് ജോസഫിനെ കടുത്തുരുത്തിയിൽ തടഞ്ഞു

കടുത്തുരുത്തിയിൽ മന്ത്രി മോൺസ് ജോസഫിനെ യുവമോര്‍ച്ച പ്രവർത്തകർ തടഞ്ഞു. സംസ്ഥാന ജനറൽ സെക്രട്ടറി വിഷ്ണു വഞ്ചിമല, വെസ്റ്റ് ജില്ലാ പ്രസിഡന്റ് ടി.എസ്. അപ്പു, വൈസ് പ്രസിഡന്റ് കെ.ആർ. ഉണ്ണികൃഷ്ണൻ എന്നിവരുടെ നേതൃത്വത്തിലാണ് പ്രതിഷേധം നടന്നത്. മന്ത്രിയുടെ വാഹനം കടന്നുപോയ സമയത്ത് മുദ്രാവാക്യങ്ങൾ മുഴക്കി പ്രവർത്തകർ വാഹനത്തിനു മുന്നിലേക്ക് ചാടിവീഴുകയായിരുന്നു. ഉടൻ തന്നെ പോലീസ് ഇടപെട്ട് പ്രതിഷേധക്കാരെ തടയുകയും കസ്റ്റഡിയിലെടുക്കുകയും ചെയ്തു.