വിദ്യാർത്ഥി 'സിനാപ്സ്' ഓൺലൈൻ പഠന-പരീക്ഷാ പ്ലാറ്റ്‌ഫോം വികസിപ്പിച്ചു

വിവരസാങ്കേതിക പരിജ്ഞാനത്തിന്റെ പിൻബലത്തിൽ വിദ്യാർത്ഥി 'സിനാപ്സ്' എന്ന ഓൺലൈൻ പഠന-പരീക്ഷാ പ്ലാറ്റ്‌ഫോം വികസിപ്പിച്ചു. മുണ്ടത്താനം ലിറ്റിൽ ഫ്ലവർ വിദ്യാനികേതൻ ആന്റ് ജൂനിയർ കോളേജിലെ പന്ത്രണ്ടാം ക്ലാസ് വിദ്യാർത്ഥിയായ അഭിനവ് ബി ആണ് ഇത് വികസിപ്പിച്ചത്. വിഷയടിസ്ഥാനത്തിലുള്ള ചോദ്യശേഖരം, കമ്പ്യൂട്ടർ അടിസ്ഥാനമാക്കിയുള്ള ഓൺലൈൻ പരീക്ഷകൾ, പ്രകടന വിശകലനം തുടങ്ങിയ സൗകര്യങ്ങൾ ഇതിൽ ഉൾപ്പെടുത്തിയിട്ടുണ്ട്. പഠനം, പരിശീലനം, മൂല്യനിർണ്ണയം എന്നിവ ഒരൊറ്റ പ്ലാറ്റ്‌ഫോമിൽ സംയോജിപ്പിച്ച അഭിനവിന്റെ ഈ സാങ്കേതിക സംരംഭം പ്രശംസനീയമാണെന്ന് സ്കൂൾ അധികൃതർ അറിയിച്ചു.