കാഞ്ഞിരപ്പള്ളി സെന്റ് ഡോമിനിക് കോളേജിൽ കെ എസ് യു-എസ് എഫ് ഐ സംഘർഷം; മാധ്യമപ്രവർത്തകനെ മർദ്ദിക്കാൻ ശ്രമം

കോളേജ് യൂണിയൻ തിരഞ്ഞെടുപ്പ് വേളയിൽ കാഞ്ഞിരപ്പള്ളി സെന്റ് ഡോമിനിക് കോളേജിൽ കെ എസ് യു-എസ് എഫ് ഐ സംഘർഷം നടന്നു. സംഘർഷം വീഡിയോയിൽ പകർത്തിയ മാധ്യമപ്രവർത്തകനെ പിന്നിൽ നിന്ന് തലയ്ക്കടിച്ച് മർദ്ദിക്കാൻ ശ്രമിച്ചു. കാഞ്ഞിരപ്പള്ളിയിൽ നിന്ന് വാർത്തകൾ റിപ്പോർട്ട് ചെയ്യുന്ന ക്രിട്ടിക്കൽ ടൈംസ് ന്യൂസിന്റെ പ്രതിനിധി മുഹമ്മദ് ഷാക്കാണ് മർദ്ദനമേറ്റത്. പ്രാഥമിക ചികിത്സ നൽകിയ ശേഷം ഇദ്ദേഹത്തെ പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു.