കാഞ്ഞിരപ്പള്ളി പേട്ടക്കവലയിൽ ഇലക്ട്രിക് പോസ്റ്റ് ഒടിഞ്ഞുവീണു; ഗതാഗതം തടസ്സപ്പെട്ടു

കോട്ടയം: കാഞ്ഞിരപ്പള്ളി പേട്ടക്കവലയ്ക്ക് സമീപം പ്രധാന റോഡിലെ പഴയ ഇരുമ്പ് ഇലക്ട്രിക് പോസ്റ്റ് ഒടിഞ്ഞുവീണു. ഇന്നു രാവിലെയാണ് സംഭവം. കാഞ്ഞിരപ്പള്ളി-ഈരാറ്റുപേട്ട റോഡിൽ ടൗൺ പള്ളിയോട് ചേർന്നുള്ള ഭാഗത്താണ് പോസ്റ്റ് റോഡിലേക്ക് പതിച്ചത്. അപകടത്തെ തുടർന്ന് ഈരാറ്റുപേട്ട റോഡിൽ ബസുകൾ ഉൾപ്പെടെയുള്ള വാഹനങ്ങളുടെ ഗതാഗതം പൂർണമായി തടസ്സപ്പെട്ടു. കെഎസ്ഇബി ജീവനക്കാരും കാഞ്ഞിരപ്പള്ളി പോലീസും സ്ഥലത്തെത്തി റോഡിലെ ഗതാഗതം പുനഃസ്ഥാപിക്കുന്നതിനുള്ള അടിയന്തര നടപടികൾ ആരംഭിച്ചു. പോസ്റ്റ് നീക്കാനായി ക്രെയിൻ എത്തിച്ചു.