2,000 രൂപയ്ക്ക് മുകളിലുള്ള യു.പി.ഐ വ്യാപാരി ഇടപാടുകൾക്ക് എം.ഡി.ആർ ചുമത്താനുള്ള കേന്ദ്ര സർക്കാർ തീരുമാനം പിൻവരിക്കണമെന്ന് കെ.ടി.ജി.എ

2,000 രൂപയ്ക്ക് മുകളിലുള്ള യു.പി.ഐ വ്യാപാരി ഇടപാടുകൾക്ക് എം.ഡി.ആർ ചുമത്താനുള്ള കേന്ദ്ര സർക്കാർ തീരുമാനം അടിയന്തരമായി പിൻവരിക്കണമെന്ന് കേരള ടെക്സ്റ്റൈൽ ആൻഡ് ഗാർമെന്റ്സ് ഡീലേഴ്സ് വെൽഫെയർ അസോസിയേഷൻ (കെ.ടി.ജി.എ) കോട്ടയം ജില്ലാ കമ്മിറ്റി ആവശ്യപ്പെട്ടു. കാഞ്ഞിരപ്പള്ളി ബി.എസ്.എൻ.എൽ ഓഫീസിന് മുന്നിൽ നടന്ന പ്രതിഷേധ സംഗമം ഉദ്ഘാടനം ചെയ്ത് കെ.ടി.ജി.എ ജില്ലാ പ്രസിഡന്റ് ജോർജ് കൂടല്ലി പറഞ്ഞു. കുറഞ്ഞ ലാഭവിഹിതത്തിൽ പ്രവർത്തിക്കുന്ന ചെറുകിട വ്യാപാരികൾക്ക് ഓരോ യു.പി.ഐ ഇടപാടിനും എം.ഡി.ആർ നൽകേണ്ടിവരുന്നത് വലിയ സാമ്പത്തിക ബാധ്യതയായി മാറും എന്നും നേതാക്കൾ പറഞ്ഞു.