കൊച്ചറയുടെ ക്ഷീരപ്പെരുമ ഉയർത്തിയ റീജ ബിൻസിന് മലനാട് മിൽക്ക് പ്രൊഡ്യൂസേഴ്സ് സൊസൈറ്റിയുടെ അംഗീകാരം

കൊച്ചറയുടെ ക്ഷീരപ്പെരുമ ഉയർത്തിയ റീജ ബിൻസ് മലനാട് മിൽക്ക് പ്രൊഡ്യൂസേഴ്സ് സൊസൈറ്റിയുടെ 'മലനാട് ക്ഷീരശ്രീ രജത് പതക് പുരസ്കാരം' ഉൾപ്പെടെ 75,000 രൂപ സ്വീകരിച്ചു. മലനാട് മിൽക്ക് പ്രൊഡ്യൂസേഴ്സ് സൊസൈറ്റിയുടെ വാർഷിക പൊതുയോഗത്തിലാണ് ഈ അംഗീകാരം ലഭിച്ചത്. കഠിനാധ്വാനത്തിലൂടെയും മലനാട് കാലിത്തീറ്റ നൽകിക്കൊണ്ടുമുള്ള മികച്ച പരിപാലനത്തിലൂടെയും ഈ കുടുംബം വിജയം നേടി. കഴിഞ്ഞ വർഷം മാത്രം 85,044.4 ലിറ്റർ പാൽ അളന്ന് മലനാട് സൊസൈറ്റിക്ക് നൽകി റെക്കോർഡിട്ടു.