എരുമേലി ചെറുവള്ളി എസ്റ്റേറ്റിൽ ഇടിമിന്നലേറ്റ് 12 പശുക്കൾ ചത്തു

കോട്ടയം ജില്ലയിലെ എരുമേലി ചെറുവള്ളി എസ്റ്റേറ്റിൽ ഇടിമിന്നലേറ്റ് 12 പശുക്കൾ ചത്ത നിലയിൽ കണ്ടെത്തി. ഇന്നലെ വൈകുന്നേരം കോട്ടയം ജില്ലയുടെ മലയോര മേഖലകളിൽ അതിശക്തമായ മഴയോടൊപ്പം ഇടിമിന്നലും ഉണ്ടായിരുന്നു. എസ്റ്റേറ്റിൽ അഴിച്ചുവിട്ട പശുക്കളാണ് ഇടിമിന്നലിൽ ചത്തത്. മൃഗസംരക്ഷണ വകുപ്പ് ഉദ്യോഗസ്ഥർ സ്ഥലത്തെത്തി പരിശോധിച്ചതിനെ തുടർന്ന് ഇടിമിന്നലേറ്റാണ് പശുക്കൾ ചത്തതെന്ന് സ്ഥിരീകരിച്ചു.