കോട്ടയത്ത് അപകടകരമായ 8 കിലോമീറ്റർ ഡ്രൈവിംഗ്; 18 വയസ്സുകാരന്റെ ലൈസൻസ് സസ്പെൻഡ് ചെയ്യും

ഒരു ഡസനിലേറെ വാഹനങ്ങളിൽ ഇടിച്ചുതെറിപ്പിച്ച് റോഡിലൂടെ എട്ടു കിലോമീറ്ററോളം അപകടകരമായ രീതിയിൽ കാറോടിച്ച 18 വയസ്സുകാരന്റെ ഡ്രൈവിങ് ലൈസൻസ് സസ്പെൻഡ് ചെയ്യുമെന്ന് കോട്ടയം ആർ.ടി.ഒ. അറിയിച്ചു. തിരുവല്ല റെയിൽവേ സ്റ്റേഷന് സമീപം താമസിക്കുന്ന വലിയവീട്ടിൽ താഴെ ഗോകുൽ (18) അപകടകരമായി വാഹനമോടിച്ചത് തെളിഞ്ഞതിനെ തുടർന്ന് നടപടികൾ ആരംഭിച്ചതായി ഡി. ജയരാജ് പറഞ്ഞു. തൃക്കൊടിത്താനം പോലീസ് അറസ്റ്റ് ചെയ്ത പ്രതിയെ കാക്കനാട് ബോസ്റ്റൽ സ്കൂളിലേക്ക് മാറ്റി.