സ്കൂട്ടർ അപകടത്തിൽ പരുക്കേറ്റ യുവതി മരിച്ചു

എകെജി കോളനിയിലെ കുമരങ്കരി വിനോദിന്റെയും രഞ്ജിനിയുടെയും മകളായ മഹിമ (25) ആണ് മരിച്ചത്. സ്‌കൂട്ടർ അപകടത്തിൽ പരുക്കേറ്റ് കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന യുവതിയാണ് മഹിമ. തിങ്കളാഴ്ച രാത്രി 10.30 മണിക്ക് മന്ദിരം കവലയിലാണ് അപകടം നടന്നത്. ഇടറോഡിൽ നിന്ന് പ്രധാന റോഡിലേക്ക് ഓടിച്ചുവന്ന ഓട്ടോറിക്ഷ, മഹിമയും സഹോദരൻ വിതുൽ വിനോദും സഞ്ചരിച്ച സ്‌കൂട്ടറിൽ ഇടിക്കുകയായിരുന്നു. അപകടത്തിൽ വിതുൽ വിനോദിനും പരിക്കേറ്റിരുന്നു.