ബസേലിയോസ് മാർത്തോമ്മാ മാത്യൂസ് പ്രഥമൻ ബാവായുടെ 30-ാം ഓർമ്മപ്പെരുന്നാൾ ഇന്ന്

മലങ്കരസഭയുടെ ക്രാന്തദർശി പരിശുദ്ധ ബസേലിയോസ് മാർത്തോമ്മാ മാത്യൂസ് പ്രഥമൻ ബാവായുടെ 30-ാം ഓർമ്മപ്പെരുന്നാൾ ഇന്ന് ആഘോഷിക്കുന്നു. കബറിടം സ്ഥിതിചെയ്യുന്ന ദേവലോകം അരമനയിൽ രാവിലെ 8 മണിക്ക് വിശുദ്ധ മൂന്നിൻമേൽ കുർബാനയ്ക്ക് പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ ബാവാ മുഖ്യകാർമ്മികത്വം വഹിക്കും. നിയുക്ത മെത്രാപ്പോലീത്താമാരായ ഫാ.തോമസ് പോൾ റമ്പാൻ, ഫാ.എൽദോ റമ്പാൻ എന്നിവർ സഹകാർമ്മികരാകും. 2027 ജനുവരിയിൽ നടക്കുന്ന ദേവലോകം പെരുന്നാളിന്റെ ആലോചനായോഗം ഓർമ്മപ്പെരുന്നാൾ ശുശ്രൂഷകൾക്ക് ശേഷം ചേരുമെന്ന് അരമന മാനേജർ ഫാ.അലക്സാണ്ടർ പി ഡാനിയേൽ അറിയിച്ചു.