വധശ്രമക്കേസിൽ ജാമ്യത്തിൽ നിന്ന് മുങ്ങിയ പ്രതിയെ പതിനേഴ് വർഷത്തിനു ശേഷം പിടികൂടി

വധശ്രമക്കേസിൽ ജാമ്യത്തിൽ നിന്ന് മുങ്ങിയ പ്രതിയെ പതിനേഴ് വർഷത്തിനു ശേഷം പോലീസ് പിടികൂടി. മുഹമ്മ സ്വദേശി പ്രശാന്തിനെ ചേരത്തല പോലീസ് മറയൂരിൽ നിന്നാണ് പിടികൂടിയത്. 2009-ൽ പ്രശാന്തും മറ്റ് നാലുപേരും ചേരത്തല പോലീസ് സ്റ്റേഷൻ പരിധിയിലെ വീടാക്രമണം നടത്തി ഗൃഹനാഥനെ തലയ്ക്ക് അടിച്ച് പരിക്കേൽപ്പിച്ച കേസിലാണ് സംഭവം. ജാമ്യം നേടി പുറത്തിറങ്ങിയ ശേഷം പ്രശാന്ത് ഒളിവിലായിരുന്നതിനെ തുടർന്ന് ഇയാളെ പിടികിട്ടാപ്പുള്ളിയായി പ്രഖ്യാപിച്ചിരുന്നു. എഎസ്ഐ രതീഷ് ഗോപകുമാർ, സിവിൽ പോലീസ് ഓഫീസർ സനില എന്നിവരടങ്ങുന്ന സംഘമാണ് ചേരത്തല ഇൻസ്പെക്ടർ മഞ്ജുദാസിന്റെ നേതൃത്വത്തിൽ പ്രശാന്തിനെ അറസ്റ്റ് ചെയ്തത്.