പോലീസ് സ്റ്റേഷനിൽ വൈദ്യുതി മുടങ്ങി, പ്രതി ഓടി രക്ഷപ്പെട്ടു; നാട്ടുകാരുടെ സഹായത്തോടെ മണിക്കൂറുകൾക്കകം പിടികൂടി

വ്യാഴാഴ്ച വൈകുന്നേരം വൈദ്യുതി മുടങ്ങിയ സമയത്താണ് കടുത്തുരുത്തി പോലീസ് സ്റ്റേഷനിൽ നിന്ന് പ്രതി ചാടിപ്പോയത്. മുട്ടുചിറ ഭാഗത്ത് നിന്ന് സംശയാസ്പദമായ സാഹചര്യത്തിൽ കസ്റ്റഡിയിലെടുത്ത തിരുവനന്തപുരം സ്വദേശിയായ യുവാവാണ് ഇയാൾ. തുടർന്ന് പോലീസും നാട്ടുകാരും നടത്തിയ വ്യാപകമായ തിരച്ചിലിനൊടുവിൽ സ്റ്റേഷൻ ക്വാർട്ടേഴ്സ് പരിസരത്ത് നിന്ന് ഇയാളെ പിടികൂടുകയായിരുന്നു.