ആർദ്ര ചാരിറ്റബിൾ സൊസൈറ്റി കോട്ടയത്ത് രണ്ട് സ്വപ്നഭവനങ്ങൾ സമർപ്പിച്ചു

മലങ്കര ഓർത്തഡോക്സ് സുറിയാനി സഭയുടെ സേവന വിഭാ​ഗമായ ആർദ്ര ചാരിറ്റബിൾ സൊസൈറ്റി അർഹരായ രണ്ട് കുടുംബങ്ങൾക്ക് ഭവനങ്ങൾ നിർമ്മിച്ച് നൽകി. സൊസൈറ്റിയുടെ രജത ജൂബിലി പ്രോജക്ടിന്റെ ഭാഗമായാണ് വീടുകൾ നിർമ്മിച്ച് നൽകിയത്. പാമ്പാടി സെന്റ് ജോൺസ് കത്തീഡ്രൽ ഇടവകാം​ഗം ആലാംപള്ളി മാട്ടേൽ പ്രശാന്തിയിൽ പി.വി. ചാക്കോ സൗജന്യമായി നൽകിയ സ്ഥലത്താണ് ഒരു വീട് പൂർത്തീകരിച്ചത്. കോട്ടയം തിരുവാർപ്പിൽ നിർമ്മിച്ച രണ്ടാമത്തെ ഭവനത്തിന്റെ കൂദാശ ഫാ.പി.എ.ഫിലിപ്പ്, ഫാ. കെ.വൈ.വിൽസൺ എന്നിവർ ചേർന്ന് നിർവഹിച്ചു.