ബാസ്‌ക്കറ്റ് ബോൾ പരിശീലകൻ അനീഷ് കുര്യൻ അന്തരിച്ചു; സംസ്കാരം നാളെ വാക്കാട് സെന്റ് സെബാസ്റ്റ്യൻസ് പള്ളിയിൽ

ബാസ്‌ക്കറ്റ്ബോൾ പരിശീലകനും കോട്ടയം ജില്ലാ ബാസ്കറ്റ്ബോൾ അസോസിയേഷൻ ട്രഷററുമായ വാക്കാട് പാക്കരമ്പേൽ അനീഷ് കുര്യൻ (47) അന്തരിച്ചു. തലശ്ശേരിയിൽ നിന്നും നാട്ടിലേക്ക് ബസിൽ മടങ്ങുന്ന വഴി ഞായറാഴ്ച പുലർച്ചെ കുന്നങ്കുളത്തുവെച്ച് ദേഹാസ്വാസ്ഥ്യം അനുഭവപ്പെടുകയും, ഹൃദയാഘാതമുണ്ടായതിനെ തുടർന്ന് തൃശൂരിലെ ആശുപത്രിയിലേക്ക് മാറ്റിയെങ്കിലും മരണത്തിന് കീഴടങ്ങി. മൃതദേഹം ഇന്ന് 2.30-ന് കുര്യനാട് സെന്റ് ആൻസ് ആശ്രമ ദേവാലയത്തിലെ പൊതുദർശനത്തിനുശേഷം വൈകിട്ട് 4-ന് വാക്കാട്ടെ വസതിയിലെത്തിക്കും. സംസ്കാരം നാളെ 2-ന് വാക്കാട് സെന്റ് സെബാസ്റ്റ്യൻസ് പള്ളിയിൽ നടക്കും.