യുഎസിൽ കൊല്ലപ്പെട്ട അഞ്ജനയുടെയും ആൻ മേരിയുടെയും മൃതദേഹങ്ങൾ നാട്ടിലെത്തിച്ചു

യുഎസിൽ ക്രൂരമായി കൊലചെയ്യപ്പെട്ട അഞ്ജനയുടെയും ആൻ മേരി മാത്യുവിന്റെയും മൃതദേഹങ്ങൾ തിങ്കളാഴ്ച കേരളത്തിൽ എത്തി. കൊച്ചി നെടുമ്പാശേരി അന്താരാഷ്ട്ര വിമാനത്താവളത്തിൽ എത്തിയ മൃതദേഹങ്ങൾ ഔദ്യോഗിക നടപടിക്രമങ്ങൾ പൂർത്തിയാക്കിയ ശേഷം ബന്ധുക്കൾ ഏറ്റുവാങ്ങി. കോട്ടയത്തെ ഭർതൃവീട്ടിലേക്കാണ് ആൻ മേരിയുടെ മൃതദേഹം കൊണ്ടുപോയത്. അഞ്ജനയുടെ മൃതദേഹം വിലങ്ങന്നൂരിലെ ഭർതൃവീട്ടിൽ പൊതുദർശനത്തിന് വെച്ചു. കാലിഫോർണിയയിലെ മിൽപിറ്റാസിലും സാൻ ഹോസെയിലുമായി നടന്ന കൊലപാതകക്കേസിൽ പ്രതിയായ അനിലയെ കാലിഫോർണിയ പോലീസ് അറസ്റ്റ് ചെയ്തിരുന്നു.