മെഡിക്കൽ കോളജിൽ ചികിത്സയിലായിരുന്ന ചങ്ങനാശേരി സ്വദേശിനി മരിച്ചു; ചികിത്സാപ്പിഴവെന്ന് ബന്ധുക്കൾ

കോട്ടയം മെഡിക്കൽ കോളജ് ആശുപത്രിയിൽ ചികിത്സയിലായിരുന്ന ചങ്ങനാശേരി സ്വദേശിനി മരിച്ചു. ചികിത്സാപ്പിഴവാണ് മരണകാരണമെന്നാരോപിച്ച് ബന്ധുക്കൾ ഗാന്ധിനഗർ പോലീസിൽ പരാതി നൽകി. ഹെർണിയയെ തുടർന്ന് സെപ്റ്റംബർ 18-നാണ് ഫസീനയ്ക്ക് മെഡിക്കൽ കോളജ് ആശുപത്രിയിൽ താക്കോൽദ്വാര ശസ്ത്രക്രിയ നടത്തിയത്. തുടർന്ന് ആരോഗ്യനില വഷളായതിനെ തുടർന്ന് സെപ്റ്റംബർ 27-ന് ആശുപത്രിയിൽ പ്രവേശിപ്പിച്ചു. വെള്ളിയാഴ്ച പുലർച്ചെ മരണം സംഭവിക്കുകയുമായിരുന്നു. പോസ്റ്റ്‌മോർട്ടം റിപ്പോർട്ട് ലഭിച്ചശേഷമേ മരണകാരണം വ്യക്തമാകൂവെന്ന് ഗാന്ധിനഗർ പോലീസ് അറിയിച്ചു.