രാസവള വിലവർധനവ് കാരണം കോട്ടയം കർഷകർ ദുരിതത്തിൽ

റബർ, കുരുമുളക്, വാഴ, നെല്ല് തുടങ്ങിയ വിളകളെ മാത്രം ആശ്രയിച്ച ചെറുകിട കർഷകർ ഏറെ വലയുകയാണ്. കടമെടുത്തും സ്വർണം പണയപ്പെടുത്തിയും കൃഷി ചെയ്യുന്നവരുണ്ട്. കടം വീട്ടാൻ പോലും പറ്റാത്ത അവസ്ഥയാണെന്ന് ഇവർ പറയുന്നു. രാസവള വിലവർധനവ് കർഷകർക്ക് ആഘാതമായി. ഫാക്ടംഫോസ്, പൊട്ടാഷ്, തുരിശ് തുടങ്ങിയവയുടെ വില വൻതോതിലാണ് വർധിച്ചത്. ഈ വിലയിൽ വളപ്രയോഗം നടത്തിയാൽ കൃഷിയിൽനിന്ന് ലാഭമുണ്ടാകില്ലെന്നാണ് കർഷകർ പറയുന്നത്.