കൈക്കൂലി വാങ്ങാൻ സിഐ അസം സ്വദേശിയുടെ ബാങ്ക് അക്കൗണ്ട് ഉപയോഗിച്ചു

കൈക്കൂലി വാങ്ങാൻ സിഐ അസം സ്വദേശിയുടെ ബാങ്ക് അക്കൗണ്ട് ഉപയോഗിച്ചു. കോട്ടയം വിജിലൻസ് ആന്റി കറപ്ഷൻ ബ്യൂറോ നടത്തിയ അന്വേഷണത്തിൽ സിഐ ഷമീർ ഖാൻ അസം സ്വദേശിയുടെ ബാങ്ക് അക്കൗണ്ട് ഉപയോഗിച്ച് രണ്ടര ലക്ഷത്തോളം രൂപ കൈക്കലാക്കിയത് കണ്ടെത്തി. അസം സ്വദേശിയുടെ ആധാർ, പാൻ കാർഡ് എന്നിവ ഉപയോഗിച്ച് വൈക്കം കാനറ ബാങ്കിൽ അക്കൗണ്ട് തുടങ്ങിയതായും, 7-ാം തീയതി മുതൽ അക്കൗണ്ടിൽ വന്ന പണം വൈക്കം, കുറവിലങ്ങാട് ഭാഗങ്ങളിലെ വിവിധ എടിഎമ്മുകളിൽ നിന്ന് ഷമീർ ഖാൻ ദിവസവും പിൻവലിച്ചതായും വിജിലൻസ് കണ്ടെത്തി.