തിരഞ്ഞെടുപ്പിൽ തോറ്റത് സർക്കാരിന്റെ തൊഴിലാളി വിരുദ്ധത കൊണ്ട്; പിണറായി വിജയന് സി.ഐ.ടി.യുവിന്റെ പ്രഹരം

സി.ഐ.ടി.യു സംസ്ഥാന സമ്മേളനത്തിൽ എൽ.ഡി.എഫ് സർക്കാരിന്റെ തൊഴിലാളി വിരുദ്ധ നിലപാടുകളാണ് തിരഞ്ഞെടുപ്പ് തോൽവിക്ക് കാരണം എന്ന് ആരോപണം ഉയർന്നു. ജനറൽ സെക്രട്ടറി എളമരം കരീം അവതരിപ്പിച്ച റിപ്പോർട്ടിൽ പിണറായി വിജയനെതിരെ രൂക്ഷമായ പരാമർശങ്ങളുണ്ട്. തൊഴിലാളികൾക്ക് ന്യായമായ ആനുകൂല്യങ്ങൾ നൽകാൻ പിണറായി സർക്കാർ തയ്യാറായില്ലെന്നും റിപ്പോർട്ടിൽ ചൂണ്ടിക്കാണിക്കുന്നു. ഇടത് മുന്നണിയുടെ വോട്ട് ബാങ്കിൻ്റെ പ്രധാന അടിത്തറയായ അടിസ്ഥാന തൊഴിലാളി വിഭാഗത്തെ സർക്കാർ അവഗണിച്ചതായും സി.ഐ.ടി.യു വിലയിരുത്തി.