ടാക്സ് അടയ്ക്കാൻ ഡിപ്പാർട്ട്മെന്റ് യൂസർ ക്രെഡൻഷ്യലുകൾ സൃഷ്ടിച്ചതിന് ചങ്ങനാശേരി സബ് ആർ.ടി.ഒയിലെ ക്ലർക്കിനെ സസ്പെൻഡ് ചെയ്തു

മോട്ടോർ തൊഴിലാളി ക്ഷേമനിധി വിഹിതം അടയ്ക്കാത്ത വാഹനങ്ങളുടെ നികുതി അടയ്ക്കുന്നതിനായി അധികാരപരിധി മറികടന്ന് ഡിപ്പാർട്ട്മെന്റ് യൂസർ ക്രെഡൻഷ്യലുകൾ സൃഷ്ടിച്ചതിനെ തുടർന്ന് ചങ്ങനാശേരി സബ് ആർ.ടി.ഒയിലെ ക്ലർക്കിനെ സസ്പെൻഡ് ചെയ്തു. സർവീസിൽ നിന്ന് സസ്പെൻഡ് ചെയ്തത് ജി. ജെയിംസ് ഫെർണാണ്ടസിനെയാണ്. മോട്ടോർ വാഹന വകുപ്പിലെ ക്ഷേമനിധി തട്ടിപ്പിൽ ഉദ്യോഗസ്ഥരുടെ പങ്കും സാമ്പത്തിക ഇടപാടികളും അന്വേഷിക്കണമെന്ന ആവശ്യവുമായി ഗതാഗത കമ്മീഷണർ നാഗരാജു ചകിലം വിജിലന് കത്തയച്ചിരുന്നു. 2025 ഏപ്രിൽ 1 മുതൽ 2026 മാർച്ച് 31 വരെ 284 ക്രെഡൻഷ്യലുകൾ സൃഷ്ടിച്ചതായി കണ്ടെത്തൽ. ഇതിൽ 199 എണ്ണം ചങ്ങനാശേരി സബ് ആർ.ടി.ഒ പരിധിയിലെ വാഹനങ്ങൾക്കും ഒരെണ്ണം കൊല്ലം ആർ.ടി.ഒ പരിധിയിലെ വാഹനത്തിനും 84 എണ്ണം മറ്റ് വിദൂര അധികാരപരിധികളിലെ വാഹനങ്ങൾക്കുമാണ്.