എരുമേലി പ്രൈവറ്റ് ബസ് സ്റ്റാൻഡിലെ ഓട്ടോ തൊഴിലാളികൾക്കിടയിൽ തർക്കം തുടരുന്നു

എരുമേലി പ്രൈവറ്റ് ബസ് സ്റ്റാൻഡിൽ ഓട്ടോറിക്ഷ സർവീസ് നടത്തുന്നതുമായി ബന്ധപ്പെട്ട് തൊഴിലാളികൾക്കിടയിൽ തർക്കവും ചേരിപ്പോരും രൂക്ഷമായതോടെ സ്റ്റാൻഡ് ക്രമീകരണം ആവശ്യമായി വന്നിരിക്കുകയാണ്. സ്ഥലസൗകര്യം കുറവുള്ള പ്രധാന സ്റ്റാൻഡിൽ വണ്ടിയിട്ട് സർവീസ് നടത്തണമെന്ന് കനകപ്പലം സ്വദേശികളായ യുവാക്കൾ നിർബന്ധം പിടിക്കുന്നു. പോലീസ് ഇടപെടലുകൾക്ക് ശേഷവും തർക്കങ്ങൾ പതിവാകുകയാണ്. പ്രശ്നത്തിന് ശാശ്വതമായ പരിഹാരം കാണാൻ അധികൃതർക്ക് ഇതുവരെ സാധിച്ചിട്ടില്ല.