പോലീസിന് എതിരെ കോൺഗ്രസ് മണ്ഡലം കമ്മിറ്റിയുടെ പ്രമേയം, ആഭ്യന്തരമന്ത്രിക്ക് പരാതി; കെഎസ്‍യു പ്രവർത്തകരെ മർദിച്ച സിപിഎമ്മികാരെ സംരക്ഷിച്ചെന്ന് ആരോപണം

കോൺഗ്രസ് മണ്ഡലം കമ്മിറ്റി പൊലീസിന് എതിരെ പ്രമേയം പാസാക്കി. പിആർഐ കോളേജ് തിരഞ്ഞെടുപ്പിന് ശേഷം ഉണ്ടായ സംഘർഷത്തെ തുടർന്നാണ് പ്രമേയം. കെഎസ്യു പ്രവർത്തകരെ മർദിച്ച സിപിഎം പ്രവർത്തകരെ പൊലീസ് സംരക്ഷിച്ചു എന്നാണ് പ്രമേയം ആരോപിക്കുന്നത്. കാഞ്ഞിരപ്പള്ളി ഡിവൈഎസ്പി നേതൃത്വത്തിൽ സിപിഎം പ്രവർത്തകരെ സംരക്ഷിച്ചുവെന്നും കമ്മിറ്റി ആരോപിച്ചു. പാമ്പാടി എസ്എച്ച്ഒ അടക്കമുള്ള പോലീസുകാർക്കെതിരെ നടപടി വേണമെന്ന് പ്രമേയം ആവശ്യപ്പെടുന്നു. ഡിജിപിക്ക് ആഭ്യന്തരമന്ത്രിക്കും കോൺഗ്രസ് മണ്ഡലം കമ്മിറ്റി പരാതി നൽകിയിട്ടുണ്ട്. അഞ്ച് മണിക്കൂറോളം നീണ്ടുനിന്ന സംഘർഷം വിവിധ സ്റ്റേഷനുകളിൽ നിന്നും വലിയ പോലീസ് സന്നാഹത്തെത്തയക്കിയാണ് നിയന്ത്രണവിധേയമാക്കിയത്.