കൊല്ലം സുധിയുടെ കുടുംബത്തിന് 1.77 കോടി നഷ്ടപരിഹാരം വിധിച്ച് കോടതി

വാഹനാപകടത്തിൽ മരിച്ച നടനും മിമിക്രി താരവുമായ കൊല്ലം സുധിയുടെ കുടുംബത്തിന് നഷ്ടപരിഹാരം വിധിച്ച് കോടതി. ഇന്‍ഷുറൻസ് കമ്പനി സുധിയുടെ ആശ്രിതർക്ക് ഒരു കോടി 77 ലക്ഷം രൂപ നൽകണമെന്നാണ് കോടതി ഉത്തരവിട്ടത്. നഷ്ടപരിഹാരത്തിന് അവകാശികളായ സുധിയുടെ ഭാര്യ, അമ്മ, രണ്ട് മക്കളാണ്. കേസ് ഫയൽ ചെയ്ത ദിവസം മുതൽ തുക കെട്ടിവയ്ക്കുന്ന സമയം വരെ 8.5 ശതമാനം പലിശയും കൂടെ ചേരുമ്പോഴാണ് 1.77 കോടിയാകുന്നത്. മൂന്നാം എതിർകക്ഷിയായ ന്യൂ ഇന്ത്യ അഷുറൻസ് കമ്പനി 30 ദിവസത്തിനകം തുക കോടതിയിൽ കെട്ടിവെക്കണമെന്നും കോടതി അറിയിച്ചു.