ചേരാനല്ലൂർ അപകട കേസിൽ ആലുവ ഫ്ലാറ്റിൽ രാത്രി മുഴുവൻ പരിശോധന പൂർത്തിയാക്കി, ബൈക്ക് പിടിച്ചെടുത്തു

ചേരാനല്ലൂർ വാഹനാപകടക്കേസിൽ ക്രൈംബ്രാഞ്ച് രാത്രി മുഴുവൻ പരിശോധന നടത്തി. പ്രതിയായ അഡിഷണൽ ജഡ്ജിയുടെ ആലുവയിലെ ഫ്ലാറ്റിൽ നിന്ന് സിസിടിവി ദൃശ്യങ്ങളും ഡിജിറ്റൽ ഉപകരണങ്ങളും കസ്റ്റഡിയിലെടുത്തു. അപകടവുമായി ബന്ധപ്പെട്ട പതിനേഴുകാരൻ ഉപയോഗിച്ചിരുന്നതായി കരുതുന്ന ആഡംബര ബൈക്കും പിടിച്ചെടുത്തു. രാത്രി ഒൻപത് മണിയോടെ ആരംഭിച്ച പരിശോധന പുലർച്ചെ മൂന്നരയ്ക്ക് ശേഷമാണ് പൂർത്തിയായത്.