ശബരിമല സീസൺ അടുത്തിട്ടും കണമല അട്ടിവളവിൽ അപകടഭീഷണി ഒഴിഞ്ഞില്ല; റോഡിലേക്ക് ഇടിഞ്ഞുവീണ മണ്ണ് വില്ലനാകുന്നു

ശബരിമല തീർത്ഥാടന സീസൺ ആരംഭിക്കാൻ ദിവസങ്ങൾ മാത്രം ബാക്കിനിൽക്കെ, പമ്പാവാലി കണമല റോഡിലെ അട്ടിവളവ് വീണ്ടും വലിയ അപകടഭീഷണിയാകുന്നു. ഓഗസ്റ്റ് മാസത്തിലുണ്ടായ ശക്തമായ മഴയിൽ റോഡിലേക്ക് ഇടിഞ്ഞുവീണ മണ്ണും കെട്ടിടാവശിഷ്ടങ്ങളും ഇതുവരെ നീക്കം ചെയ്യാൻ അധികൃതർ തയാറായിട്ടില്ലെന്ന് നാട്ടുകാരും പരാതിപ്പെടുന്നു. ഇടിഞ്ഞുവീണ മണ്ണ് റോഡിലേക്ക് ഇറങ്ങി വീണു കിടക്കുന്നത് കാരണം രണ്ടു വാഹനങ്ങൾക്ക് ഒരേസമയം കടന്നുപോകാൻ പോലും സാധിക്കാത്ത അവസ്ഥയാണുള്ളത്.