സെൻസസ് 2027 രണ്ടാം ഘട്ട വിവരശേഖരണത്തിനായുള്ള ജില്ലാതല പരിശീലന പരിപാടി തുടങ്ങി

ഇന്ത്യ സെൻസസ് 2027-ൻ്റെ രണ്ടാം ഘട്ട വിവരശേഖരണത്തിനു മുന്നോടിയായുള്ള ജില്ലാതല പരിശീലന പരിപാടിക്ക് തുടക്കമായി. ജില്ലാതല ഉദ്യോഗസ്ഥരും ചാർജ് ഓഫീസർമാരുമാണ് ദ്വിദിന പരിശീലന പരിപാടിയിൽ പങ്കെടുക്കുന്നത്. പ്രിൻസിപ്പൽ സെൻസസ് ഓഫീസറായ ജില്ലാ കളക്ടർ ചേതൻ കുമാർ മീണ ഉദ്ഘാടനം ചെയ്തു. അടുത്ത വർഷം ഫെബ്രുവരിയിൽ നടക്കുന്ന സെൻസസിൻ്റെ രണ്ടാം ഘട്ടത്തിൽ വ്യക്തിഗത വിവരങ്ങളുമായി ബന്ധപ്പെട്ട 40 ചോദ്യങ്ങളും അവയുടെ ഉപചോദ്യങ്ങളുമാണ് ഉൾപ്പെടുത്തിയിട്ടുള്ളത്. രണ്ടാം ബാച്ചിൻ്റെ പരിശീലനം 14 ന് ആരംഭിക്കും.