ഇരുട്ടിന്റെ സാഹചര്യങ്ങളിൽ ഭയമില്ലാതെ വെളിച്ചമായി മാറുന്നതാണ് വിശ്വാസിയുടെ യഥാർത്ഥ ദൗത്യമെന്ന് ഡോ. ഗീവർഗീസ് മാർ കൂറിലോസ് മെത്രാപ്പോലീത്താ

അഖില ലോക പ്രാർത്ഥനാവാരാചരണത്തിന്റെ സബ് റീജിയൻ തല ഉദ്ഘാടനം നിർവഹിച്ച വേളയിൽ ഡോ. ഗീവർഗീസ് മാർ കൂറിലോസ് മെത്രാപ്പോലീത്താ സംസാരിച്ചു. ഇരുട്ടിന്റെ സാഹചര്യങ്ങളിൽ ഭയമില്ലാതെ വെളിച്ചമായി മാറുന്നതാണ് വിശ്വാസിയുടെ യഥാർത്ഥ ദൗത്യമെന്നും ലോക യാഥാർത്ഥ്യങ്ങളുടെ മുമ്പിൽ പകച്ചുനിൽക്കാതെ ധൈര്യത്തോടെ നിലകൊള്ളാൻ കഴിയുന്നതാണ് യഥാർത്ഥ വിശ്വാസത്തിന്റെ അടയാളമെന്നും അദ്ദേഹം പറഞ്ഞു. തോട്ടഭാഗം സെന്റ് മേരീസ് ബിലീവേഴ്സ് പള്ളിയിലാണ് ചടങ്ങ് നടന്നത്.