മാസപ്പടി കേസിൽ വിജിലൻസ് എഫ്.ഐ.ആറിന് പിന്നാലെ പുതിയ ഇസിഐആർ രജിസ്റ്റർ ചെയ്യാൻ ഇ.ഡി

മാസപ്പടി കേസിൽ പിണറായി വിജയൻ, വീണാ വിജയൻ, മുഹമ്മദ് റിയാസ് എം.എൽ.എ എന്നിവർക്കെതിരെ വിജിലൻസ് എഫ്.ഐ.ആർ രജിസ്റ്റർ ചെയ്തതിന് പിന്നാലെ, പുതിയ ഇ.സി.ഐ.ആറിനുള്ള അംഗീകാരത്തിനായി ഇ.ഡി. ഉദ്യോഗസ്ഥർ ഇന്റേണൽ കമ്മിറ്റിക്ക് വിശദമായ റിപ്പോർട്ട് സമർപ്പിച്ചു. വിജിലൻസ് എഫ്.ഐ.ആറിൻ്റെ അടിസ്ഥാനത്തിൽ ഉടൻ തന്നെ രണ്ട് പ്രത്യേക ഇ.സി.ഐ.ആറുകൾ രജിസ്റ്റർ ചെയ്ത് അന്വേഷണം മുന്നോട്ട് കൊണ്ടുപോകാനാണ് ഇ.ഡി. ആലോചിക്കുന്നത്. ഇത് അന്വേഷണം വേഗത്തിലാക്കാനും കള്ളപ്പണ നിയമപ്രകാരമുള്ള കടുത്ത നിയമനടപടികൾ സ്വീകരിക്കാനും ലക്ഷ്യമിടുന്നു.