കോട്ടയം തട്ടുകടയിൽ പണം നൽകാതെ മുങ്ങാൻ ശ്രമിച്ച സംഘത്തോട് ചോദ്യം ചെയ്ത ജീവനക്കാരന് കുത്തേറ്റു

കോട്ടയം കെ.എസ്.ആർ.ടി.സി സ്റ്റാൻഡിനടുത്തുള്ള തട്ടുകടയിൽ ജീവനക്കാരനായ നിസാറിന് കുത്തേറ്റു. ഭക്ഷണം കഴിച്ച ശേഷം പണം നൽകാതെ മുങ്ങാൻ ശ്രമിച്ച നാലംഗ സംഘത്തെ ചോദ്യം ചെയ്തതിനെ തുടർന്നാണ് സംഭവം. കയ്യിലും പുറത്തും വയറിലും കുത്തേറ്റ നിസാറിനെ ആദ്യം കോട്ടയം ജില്ലാ ജനറൽ ആശുപത്രിയിലും പിന്നീട് വിദഗ്ധ ചികിത്സയ്ക്കായി കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിച്ചു.