കോട്ടയം-എറണാകുളം റോഡ് പദ്ധതി: യാത്രാ സമയം കുറയ്ക്കാൻ സംസ്ഥാന സർക്കാർ കേന്ദ്രത്തിന് ശുപാർശ നൽകും

കോട്ടയം-എറണാകുളം റൂട്ടിലെ യാത്രാദുരിതത്തിന് പരിഹാരമായി പുതിയ റോഡ് വരുന്നു. ദേശീയപാത 183, 66 എന്നിവ ബന്ധിപ്പിച്ച് കോട്ടയം-കൊച്ചി റോഡ് പദ്ധതിയുമായി സർക്കാർ മുന്നോട്ട് പോകുന്നു. സംസ്ഥാന സർക്കാർ കേന്ദ്ര സർക്കാരിന് ശുപാർശ നൽകുമെന്ന് കോട്ടയം എംപി കെ ഫ്രാൻസിസ് ജോർജ് പറഞ്ഞു. മുഖ്യമന്ത്രിയും പൊതുമരാമത്ത് മന്ത്രിയും ശുപാർശ നൽകുമെന്ന് ഉറപ്പ് നൽകിയെന്നും അദ്ദേഹം അറിയിച്ചു.