എവർഗ്രീൻ ക്ലാസിക് 'തേന്മാവിൻ കൊമ്പത്ത്' പുതിയ രൂപത്തിൽ തിയേറ്ററുകളിലേക്ക്

മോഹൻലാൽ-പ്രിയദർശൻ കൂട്ടുകെട്ടിൽ 1994-ൽ പുറത്തിറങ്ങിയ എവർഗ്രീൻ ക്ലാസിക് ചിത്രം 'തേന്മാവിൻ കൊമ്പത്ത്' വീണ്ടും തിയേറ്ററുകളിലേക്ക് എത്തുന്നു. 4കെ ദൃശ്യമികവിലും ഡോൾബി അറ്റ്മോസ് ശബ്ദ സാങ്കേതിക വിദ്യയിലും പുനഃസംവിധാനം ചെയ്ത ചിത്രം 2026 ഒക്ടോബർ 1ന് ആഗോളതലത്തിൽ പ്രദർശനത്തിനെത്തും. മോഹൻലാൽ, ശോഭന, നെടുമുടി വേണു എന്നിവർ കേന്ദ്ര കഥാപാത്രങ്ങളെ അവതരിപ്പിച്ച ചിത്രമാണ് ഇത്. 1994 മെയ് 13നാണ് ചിത്രം ആദ്യമായി തിയേറ്ററുകളിലെത്തിയത്.