കുടുംബ എന്റർടൈനർ അവറാച്ചൻ ആൻഡ് സൺസ് ഒക്ടോബർ 2 മുതൽ തിയേറ്ററുകളിൽ

ബിജു മേനോനെ നായകനാക്കി ലിസ്റ്റിൻ സ്റ്റീഫൻ അവതരിപ്പിക്കുന്ന കുടുംബ എന്റർടൈനർ അവറാച്ചൻ ആൻഡ് സൺസ് ഒക്ടോബർ 2 മുതൽ തീയേറ്ററുകളിൽ എത്തുന്നു. നർമ മുഹൂർത്തങ്ങൾ കോർത്തിണക്കിയ ഈ കുടുംബ ചിത്രത്തിൽ ബിജുമേനോനോടൊപ്പം ശ്രീനാഥ് ഭാസി, ഗണപതി, വിനയ് ഫോർട്ട്, ജോണി ആന്റണി, ഗ്രെയ് സ് ആന്റണി, അഖില ഭാർഗവൻ, പൗളി വത്സൺ, സാബുമോൻ, കോട്ടയം നസീർ, വിനീത് തട്ടിൽ, സാജൻ പള്ളുരുത്തി, ആഷിഖ് ഖാലിദ്, സുധി കോപ്പ, സജിൻ ചെറുകയിൽ, ഷാജു ശ്രീധർ, നിഷാ സാരംഗ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. നവാഗതനായ തമ്പി സംവിധാനം നിർവഹിച്ച ചിത്രത്തിന്റെ തിരക്കഥ ജോസഫ് വിജീഷും തമ്പിയും ചേർന്നാണ് ഒരുക്കിയത്.