കൂട്ടിക്കൽ-കൊക്കയാർ ഉരുൾപൊട്ടൽ ദുരന്തത്തിന് അഞ്ചാണ്ട്; നഷ്ടപ്പെട്ടവരെ ഓർത്ത് മലയോര ജനത

21 പേരുടെ ജീവനെടുത്ത കൂട്ടിക്കൽ, കൊക്കയാർ മലയോര മേഖലകളിലെ പ്രകൃതിദുരന്തത്തിന് ഇന്ന് അഞ്ചാണ്ട് പൂർത്തിയാകുന്നു. പുനരധിവാസ പദ്ധതികളിലൂടെ വീട് നഷ്ടപ്പെട്ട ഭൂരിഭാഗം പേർക്കും പുതിയ വീടുകൾ നിർമ്മിച്ചു നൽകാൻ കഴിഞ്ഞെങ്കിലും, കൊക്കയാർ പഞ്ചായത്തിലെ ഒൻപത് കുടുംബങ്ങൾക്ക് കൂടി ഇനിയും വീട് ലഭിക്കാനുണ്ട്. കൂടാതെ, മ്ലാക്കര നടപ്പാലം, പൂവഞ്ചി നടപ്പാലം ഉൾപ്പെടെ അഞ്ച് പാലങ്ങളുടെ നിർമ്മാണം ഇനിയും പൂർത്തിയാക്കേണ്ടതുണ്ട്.