ശബരിമല തീർത്ഥാടനത്തിന് വനം വകുപ്പ് മുന്നൊരുക്കങ്ങൾ പൂർത്തിയാക്കി; കാനനയാത്ര സുരക്ഷിതമാക്കാൻ എരുമേലി റേഞ്ച് സജ്ജം

മണ്ഡല-മകരവിളക്ക് മഹോത്സവത്തോടനുബന്ധിച്ച് ശബരിമലയിൽ എത്തുന്ന ലക്ഷക്കണക്കിന് അയ്യപ്പഭക്തരുടെ സുരക്ഷിതമായ കാനനയാത്ര ഉറപ്പാക്കാൻ എരുമേലി ഫോറസ്റ്റ് റേഞ്ച് ഓഫീസ് പൂർണ്ണമായി സജ്ജമായി. തീർത്ഥാടകർക്കുള്ള സേവനങ്ങളും സുരക്ഷാ നടപടികളും വനം വകുപ്പ് അതിവേഗം ഏകോപിപ്പിച്ചു വരികയാണ്. പരമ്പരാഗത കാനനപാതയുടെ ആരംഭ കേന്ദ്രമായ കോഴിക്കാനത്ത് ഫോറസ്റ്റിന്റെയും പോലീസിന്റെയും സംയുക്ത കൺട്രോൾ റൂം പ്രവർത്തിക്കും. കൂടാതെ, ഭക്തർക്കായി താൽക്കാലിക ടോയ് ലറ്റുകളും ദിശാബോർഡുകളും സ്ഥാപിക്കുന്നുണ്ട്.