യുഎഇ യാത്രയ്ക്ക് അനുമതി തേടി മുൻ ഡിജിപി ടോമിൻ ജെ. തച്ചങ്കരി ഹൈക്കോടതിയിൽ

അനധികൃത സ്വത്ത് സമ്പാദന കേസിൽ മുൻകൂര്‍ അനുമതിയില്ലാതെ ഇന്ത്യ വിട്ടുപോകരുതെന്ന വ്യവസ്ഥയിൽ ഇളവ് തേടി മുൻ ഡിജിപി ടോമിൻ ജെ. തച്ചങ്കരി ഹൈക്കോടതിയെ സമീപിച്ചു. ഷാർജയിൽ ഒരു ജ്വല്ലറി ഗ്രൂപ്പിന്റെ ഓപ്പറേഷൻസ് മാനേജർ ആണെന്നും ഉടൻ ജോലിയിൽ പ്രവേശിച്ചില്ലെങ്കിൽ തൊഴിൽ നഷ്ടപ്പെടുമെന്നും അദ്ദേഹം ഹർജിയിൽ പറഞ്ഞു. ഒക്ടോബർ 26 മുതൽ 2027 മാർച്ച് 31 വരെ യുഎഇയിലേക്ക് പോകാനും ജോലി ചെയ്യാനും അനുമതി നൽകണമെന്നാണ് തച്ചങ്കരിയുടെ ആവശ്യം.