കാലിഫോർണിയയിൽ കൊല്ലപ്പെട്ട മലയാളി യുവതികൾക്ക് കൊട്ടയത്താണ് സംസ്കാരം

കാലിഫോർണിയയിൽ കൊല്ലപ്പെട്ട മലയാളി യുവതികളായ അഞ്ജന ഹരിയുടെയും ആൻ മേരിയുടെയും മൃതദേഹങ്ങൾ തിങ്കളാഴ്ച രാവിലെ കൊച്ചി രാജ്യാന്തര വിമാനത്താവളത്തിൽ ബന്ധുക്കൾ ഏറ്റെടുത്തു. അഞ്ജനയുടെ മൃതദേഹം പീച്ചി വിലങ്ങന്നൂർ പൊതുദർശനത്തിനുശേഷം മുടിക്കോട്ട് കൊണ്ടുവന്ന് ഉച്ചയ്ക്ക് ശേഷം വീട്ടുവളപ്പിൽ സംസ്കരിച്ചു. ആൻ മേരിയുടെ മൃതദേഹം ഭർത്താവ് ജേക്കബ് ആൻഡ്രൂസിന്റെ കോട്ടയം കുറിച്ചിയിലെ വീട്ടിലെത്തിച്ചു. നാളെ പള്ളം സെന്റ് ഇഗ്‌നേഷ്യസ് യാക്കോബായ പള്ളിയിൽ സംസ്കാരം നടക്കും. കൊലപാതകത്തിൽ അറസ്റ്റിലായ ഈരാറ്റുപേട്ട മൂന്നിലാവ് സ്വദേശിനി അനില ബേബി ജയിലിലാണ്.