കെ.എസ്.ആർ.ടി.സിക്ക് പുതിയ ബസ്സുകൾ വാങ്ങാൻ എം.എൽ.എ.മാരുടെ ഫണ്ട് ഉപയോഗിക്കാൻ സർക്കാർ അനുമതി

കെ.എസ്.ആർ.ടി.സിക്ക് പുതിയ ബസ്സുകൾ വാങ്ങുന്നതിനായി എം.എൽ.എ.മാരുടെ ആസ്തി വികസന ഫണ്ട് ഉപയോഗിക്കാൻ സർക്കാർ പ്രത്യേക അനുമതി നൽകി. ഒരു എം.എൽ.എയ്ക്ക് തങ്ങളുടെ മണ്ഡലത്തിൽ പരമാവധി മൂന്ന് ബസ്സുകൾ വരെ ഫണ്ട് ഉപയോഗിച്ച് വാങ്ങി നൽകാം. ബസ്സുകൾ എം.എൽ.എ.മാരുടെ ഫണ്ട് ഉപയോഗിച്ചാണ് വാങ്ങുന്നതെങ്കിലും, സർവീസ് വിഭാഗം, റൂട്ട് അലോട്ട്മെന്റ്, പുനർവിന്യാസം എന്നിവയുടെ പൂർണ്ണ അധികാരം കെ.എസ്.ആർ.ടി.സിക്ക് തന്നെയായിരിക്കും.