ഇ.എസ്.എ. വില്ലേജുകളിലെ വനവിസ്തൃതി സംബന്ധിച്ച വിവരങ്ങൾ സർക്കാർ അടിയന്തരമായി പരസ്യപ്പെടുത്തണം: ജോസ് കെ. മാണി

123 ഇ.എസ്.എ. വില്ലേജുകളിലെ വനവിസ്തൃതി വിവരങ്ങൾ കേന്ദ്ര സർക്കാരിന് നൽകിയ കത്തിന്റെ പകർപ്പും, 2014-ലെ വനവിസ്തൃതി വിവരങ്ങളും സർക്കാർ പൊതുജനങ്ങൾക്ക് അറിയിക്കണം എന്ന് കേരള കോൺഗ്രസ് (എം) ചെയർമാൻ ജോസ് കെ. മാണി പറഞ്ഞു. നിലവിൽ 8,590.69 ചതുരശ്ര കിലോമീറ്റർ വിസ്തൃതിയുള്ള 98 വില്ലേജുകളിലെ വില്ലേജ് അടിസ്ഥാനത്തിലുള്ള കൃത്യമായ വനവിസ്തൃതിയും സർക്കാർ അടിയന്തരമായി പരസ്യപ്പെടുത്തണം എന്നും അദ്ദേഹം ആവശ്യപ്പെട്ടു.