ചങ്ങനാശ്ശേരി സ്വദേശി ഹസീനയുടെ മരണം: വിശദമായ അന്വേഷണത്തിന് ഉത്തരവിട്ട് സർക്കാർ

കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന ചങ്ങനാശ്ശേരി സ്വദേശി ഹസീനയുടെ മരണത്തിൽ വിശദമായ അന്വേഷണത്തിന് സർക്കാർ ഉത്തരവിട്ടു. തിരുവനന്തപുരം മെഡിക്കൽ കോളേജിലെ ഡോ. പി കെ തോമസ്, തൃശ്ശൂർ മെഡിക്കൽ കോളേജിലെ ഡോ. സി രവീന്ദ്രൻ എന്നിവർ ഉൾപ്പെടെ മൂന്ന് ഡോക്ടർമാരുടെ സംഘത്തെ അന്വേഷണത്തിന് നിയോഗിച്ചു. അന്വേഷണം ആവശ്യപ്പെട്ട് ഡിവൈഎഫ്ഐ കോട്ടയം മെഡിക്കൽ കോളേജ് സൂപ്രണ്ടിനെ ഉപരോധിച്ചതിനെത്തുടർന്ന് ഈ ഉത്തരവ് പുറത്തുവന്നു.