കോട്ടയം ലുലുമാളിൽ ഗ്രാൻഡ് കേക്ക് മിക്സിങ് ചടങ്ങ്

ക്രിസ്മസ്, പുതുവത്സര ആഘോഷങ്ങളുടെ മധുരം നിറച്ച് കോട്ടയം ലുലുമാളിൽ ഗ്രാൻഡ് കേക്ക് മിക്സിങ് ചടങ്ങ് സംഘടിപ്പിച്ചു. ഈ വർഷത്തെ പ്ലം കേക്കുകൾക്കായി 2,700 കിലോഗ്രാം ചേരുവകൾ ഉപയോഗിച്ചാണ് പ്രത്യേക മിശ്രിതം തയ്യാറാക്കിയത്. പ്രീമിയം ഡ്രൈ ഫ്രൂട്ട്സ്, റിച്ച് ഫ്രൂട്ട്സ്, നട്ട്സ്, സുഗന്ധവ്യഞ്ജനങ്ങൾ ഉൾപ്പെടെ 25-ഓളം ചേരുവകൾ മിക്സിങ്ങിൽ ഉപയോഗിച്ചു. ഈ ഗ്രാൻഡ് മിക്സിൽ നിന്ന് 15,000 പ്ലം കേക്കുകളാണ് തയ്യാറാക്കുന്നത്. ചലച്ചിത്ര താരങ്ങളായ ഹേമന്ത് മേനോനും രമ്യാ പണിക്കറും ചടങ്ങിൽ മുഖ്യാതിഥികളായി പങ്കെടുത്തു.