ശബരിമലയിൽ നിന്ന് മടങ്ങുന്ന കുടുംബത്തെ ആക്രമിച്ച സംഘം കൊട്ടാരക്കരയിൽ പിടിയിൽ

ശബരിമല തീർത്ഥാടനം കഴിഞ്ഞ് മടങ്ങുകയായിരുന്ന കുടുംബത്തെ ആക്രമിച്ച സംഘം കൊട്ടാരക്കര പോലീസ് പിടിയിലായി. കൊട്ടാരക്കര ചന്ദ്രവിലാസം വീട്ടിൽ ശരത് ചന്ദ്രൻ (39), പുലമൺ പള്ളി വടക്കേതിൽ വീട്ടിൽ ഷിബിൻ (22), തൃക്കണ്ണമംഗലം ഐക്യമത്ത് വീട്ടിൽ പ്രണവ് (30), ഐക്യമത്ത് വീട്ടിൽ പ്രവീൺ (34) എന്നിവരാണ് അറസ്റ്റിലായത്. കഴിഞ്ഞ 19ന് രാത്രി 8:30 യോടെ തൃക്കണ്ണമംഗലത്താണ് സംഭവം നടന്നത്. ചോദ്യം ചെയ്തതിനെ തുടർന്ന് പ്രതികൾ വാഹനത്തിൽ ഉണ്ടായിരുന്നവരെ മർദ്ദിക്കുകയും കഴുത്തിന് കുത്തിപ്പിടിച്ച് ശ്വാസം മുട്ടിക്കുകയും ചെയ്തതായി പരാതിയുണ്ട്. കൊട്ടാരക്കര പോലീസ് കേസ് രജിസ്റ്റർ ചെയ്ത് പ്രതികളെ അറസ്റ്റ് ചെയ്യുകയും കോടതിയിൽ ഹാജരാക്കി റിമാൻഡ് ചെയ്യുകയും ചെയ്തു.