ശബരിമല തീർത്ഥാടന മുന്നൊരുക്കങ്ങൾ സംബന്ധിച്ച് പത്തനംതിട്ട കളക്ടറേറ്റിൽ ഉന്നതതല അവലോകന യോഗം

ശബരിമല തീർത്ഥാടന മുന്നൊരുക്കങ്ങൾ സംബന്ധിച്ച് ജലവിഭവ വകുപ്പിൻ്റെ ഉന്നത തല അവലോകന യോഗം നവംബർ 9-ന് ഉച്ചകഴിഞ്ഞ് 2:30 മുതൽ പത്തനംതിട്ട ജില്ലാ കളക്ടറേറ്റിൽ വെച്ച് ചേരും. ശബരിമല തീർഥാടനത്തിന് മുന്നോടിയായി കേരള വാട്ടർ അതോറിറ്റിയും ഇറിഗേഷൻ ഡിപ്പാർട്ട്മെൻ്റും നടപ്പാക്കുന്ന വിവിധ പ്രവർത്തനങ്ങളുടെ പുരോഗതി വിലയിരുത്തുകയാണ് യോഗത്തിന്റെ ലക്ഷ്യം. നിലയ്ക്കൽ കുടിവെള്ള പദ്ധതിയുമായി ബന്ധപ്പെട്ട പ്രശ്നങ്ങൾ പരിഹരിക്കുന്നതിനും മുൻ കരാറുകാരനെ കരിമ്പട്ടികയിൽ പെടുത്തിയതിലെ അനിശ്ചിതത്വവും യോഗത്തിൽ ചർച്ചചെയ്യും.