കേരളത്തിലെ വിദ്യാർഥികളെ നിലനിർത്താൻ പ്രവേശന പരീക്ഷകളിൽ വൻ മാറ്റങ്ങൾ വരുത്തുമെന്ന് ഉന്നത വിദ്യാഭ്യാസ വകുപ്പ്

ഉപരിപഠനത്തിനായി വിദ്യാർഥികൾ അന്യസംസ്ഥാനങ്ങളെ ആശ്രയിക്കുന്ന പ്രവണതയ്ക്ക് പരിഹാരം കാണാൻ ഉന്നത വിദ്യാഭ്യാസ വകുപ്പ് പ്രവേശന പരീക്ഷാ രീതികളിൽ സമഗ്രമായ മാറ്റങ്ങൾ കൊണ്ടുവരുന്നു. പരീക്ഷകൾ വൈകുന്നതും തീരുമാനങ്ങൾ എടുക്കാൻ വൈകുന്നതും മൂലം വിദ്യാർഥികൾ പുറത്തേക്ക് പോകുന്നത് തടയുന്നതിനായി അടുത്ത അധ്യയന വർഷം മുതൽ പുതിയ പരിഷ്കാരങ്ങൾ നടപ്പിലാക്കും. ഉന്നത വിദ്യാഭ്യാസ വകുപ്പ് മന്ത്രി റോജി എം. ജോണിൻ്റെ നേതൃത്വത്തിൽ ഈ പ്രവർത്തനങ്ങൾക്ക് തുടക്കമിട്ടു. പ്രാദേശിക ഉന്നതവിദ്യാഭ്യാസ സ്ഥാപനങ്ങളിൽ കൂടുതൽ വിദ്യാർഥികൾക്ക് പ്രവേശനം ഉറപ്പാക്കുക എന്നതാണ് സർക്കാരിന്റെ ലക്ഷ്യം.